الفرق بين الأطفال الاجانب وبين ورعانا المحتـرميـن

نبدا









اطفال الاجانب


في الصباح حيث يبداء يوم اطفال الاجانب عندما يستيقظ على صوت

الكناري اللي بغرفته وهو لابس بجامة نوم عليها صورة تويتي ولا صورة فواكه بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه
يروح يغير ملابسه
وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليكس

ابو ديك وبيضه وحده بس!! وكاس عصير وشويت زبده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه




ورعانا المحترمين


ورعانا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم يافاشل روح لمدرستك لاتتاخر ويكتبون عليك تعهد مثل كل يوم

الأم:قم جعلك ماتنام
الأخ: والله اذا ما تقوم لافقع وجهك اخلص خلني افتك من ابوي

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه

بعد ما يقوم يمر الحمام على السريع ويغسل وجه

وبعدين ياخذ اقرب كتب عنده ويربطها ويروح لغرفة امة ياخذ السجادة حقتها ويلفها على الكتب عشان يجلس عليها في المدرسة ويجيك مدحدر يدور الفطور ويتفاجأ

انهم ما حطوه؟؟
او مايقاد > ابوه على طول يصدق ويصـــــــك

سعيدان على مقفاة الا ووجهة سعيدان الا وهو مغروس في صحن الفول >> ياادي الفول

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه


أطفال الناس الاجانب


2- بعد المدرسه يرجع اطفال الاجانب ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.


ورعاااانا المحترمين


اما الورع منهم يجي من المدرسه وثوبه قالب لونه بني< تقول مسح فيه جدار مدرسه >>

ولا دخل البيت رمى الشنطه بالصاله وفصخ ثوبه

ووينك يالشارع < اخوياه ينتظرونة>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟
نسيت شي الا وهو الباب حقهم عبارة عن حذايين الي يلعبون كورة

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف كبسة لحم ولا دجاج
غيره ما فيه!! يتغدى الورع الكريم ويصــك بعدها لتر لبن

بعدها يجلس ساعه فاتح فمه

ينتظر من يوديه يغسل له يديه!


أطفال الناس الاجانب


3- اطفال الاجانب لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني الى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف
وابوهم يقلهم ناقصكم شي ولا ماشيات


ورعاااانا المحترمين


يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته < وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>
لا تنسو انة يروح البقالة ويسجل الي اخذة على حساب ابوة ولا اخوة



أطفال الناس االاجانب


4- أطفال الاجانب بعد ما يتعشى ويتكي مع اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه وتطفي النور
صح نسيت عندهم ابجورة بعد.


ورعاااانا المحترمين


لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>
وخبز ويرجع لووووووووووكره

ويقفل باب الصندقه > ويتعشى من ذا الجبن والخبز

اللين يدوخ > لا وأزيدكم من الشعر بيت ما ينام

الا وهو متلطم! < على باله مراقب >>



م
ل
ط
و
ش

ههههههههههههههههههههه

كفوا يا ورعاننا الفله


لك الف الشكر اخوي الغالي على الموضوع الجميل

ننتضر جديد بفا رغ الصبر

دمت بود

الف شكر اخوي اسيـر المشاااعر على مرورك الرائع

يعطيك العافيه

هههههههههههههههههههه

التماسيح لحد يغلط عشان ما يطفح الكيل

مشكوووور على الموضوع بس والله ماخبرت ورعاننا كذا


عوافي،،

لهيب يقولك اصااابع يدك مو سوا

واللي اخبره ان ورعاناااا كذااا واخــس كمااان


الحق حق

ههههههههههههههههههههه

يمكن بعضه ايه وبعضه لا

الله يخليهم لنا (ورعاننا)

اكيــد يا امير ه بعضهم وبعضهم

الله يخليهم لنـــا

مشكوووره على المرووور الرائـــع

عووووافي