السلام عليكم ورحمة الله وبركاته
اليوم جايب لكم هوشة حلوة بين اثنين
واحد نحيف والثاني برميل (دب)
النحيف : وينك فيه يا الدب سمعت انك متنكر وموقف في الشارع والعالم يدورن حواليك يحسبونك دوار ههههههههههه
ـــ
ــــــــــــــــــــــــــــــــــــ
البرميل : لا يا جنط انا اللي سمعت انك متنكر وخاش مكتبه وقاعد على اساس انك قلم رصاص
ــ
ـــــــــــــــــــــــــــــــــــــ
النحيف : يا رجال كل تراب والله لو تصبغ جوانبك اسود وظهرك اصفر صرت كنك حراثه ههههههههه
ـــ
ــــــــــــــــــــــــــــــــــــ
البرميل : الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب ) ههههههههه
ــ
ـــــــــــــــــــــــــــــــــــــ
النحيف: ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك عفريتة قلابي هههههههههه
ـــ
ــــــــــــــــــــــــــــــــــــ
البرميل: قوووووويه هاههاهاهاهاه لكن شكلك نسيت يوم تمرض وتروح الدكتور وقال نبي نسوي لك اشعهx قال مايحتاج وخذك وحطك على لمبة المكتب شاف وش اللي فيك
ـــــ
ــــــــــــــــــــــــــــــــــ
النحيف : يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك
ـــ
ــــــــــــــــــــــــــــــــــــ
البرميل : ايه ولين ركبت جنبي قمت اعشق فيك احسبك القير من نحفك هههههههههه
ـ
ــــــــــــــــــــــــــــــــــــــ
النحيف : أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص ههههههههههه
ــ
ـــــــــــــــــــــــــــــــــــــ
البرميل: اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير
ـ
ــــــــــــــــــــــــــــــــــــــ
النحيف : تدري كل ماشفتك ياالنفيخه تذكرت رجال كفرات ميشلان اللي في الدعايه كع كع كع كع كع
ـ
ــــــــــــــــــــــــــــــــــــــ
البرميل : تصدق بالله لو تمر من جنب جيب الدوريات أنك تشوش على جهازهم هههههههه
ــ
ـــــــــــــــــــــــــــــــــــــ
النحيف :مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا هههههههههههههههههههههه
ـ
ــــــــــــــــــــــــــــــــــــــ
البرميل : ماشفت نفسك وانت واقف ترى رجليك ساق بدون ركبه
ـ
ــــــــــــــــــــــــــــــــــــــ
النحيف :اقول سمعت ان اهلك يروشونك في الحوش بمكانس من كبرك
ـ
ــــــــــــــــــــــــــــــــــــــ
البرميل : انا سامع انك تتروش في المغسله
ـ
ــــــــــــــــــــــــــــــــــــــ
النحيف : انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى
ـ
ــــــــــــــــــــــــــــــــــــــ
البرميل : انا سمعت انهم صوروك 4 في 6 طلعت كلك
ـــــــــــــــــــــــــــــــــــــــ
النحيف : انا سمعت انك اذا بغيت تركض تنسدح وتتدربا على جنبك ... أسرع لك ههههههههه
ـــــــــــــــــــــــــــــــــــــــ
البرميل : اقول رح بس وراك انت ووجهك كنه مكان بريك سيكل ههههههههههههههههه
ـ
ــــــــــــــــــــــــــــــــــــــ
النحيف :ههههههههه ضحكتني انت وخدودك كنها دف طقاقه .
ــ
ـــــــــــــــــــــــــــــــــــــ
البرميل : اقول شف شكلك كنك ريال بيد بزر .
ــ
ـــــــــــــــــــــــــــــــــــــ
النحيف : اقول شف خشمك كن متعلق به بزر ههههههههههه
ـ
ــــــــــــــــــــــــــــــــــــــ
البرميل : لا من زين خشمك كنه أصبع بزر هههههههههههههه
ـ
ــــــــــــــــــــــــــــــــــــــ
النحيف : اقول قم بس قم انت وشكلك كنك وايت مياه غير صالحه للشرب .
ـــــــــــــــــــــــــــــــــــــــ
البرميل : هههههههه ضحكتن انت وشكلك كنك فأر طايح ببالوعه .
ـــــــــــــــــــــــــــــــــــــــ
النحيف : شف سنونك كنها طلاب ثالثه جيم واقفين عند مقصف .
ــ
ـــــــــــــــــــــــــــــــــــــ
البرميل : عاد من زين سنونك كنها ضغاطات مسجل صناعه صينيه
يالله أنت منهو منهم
أنا عن نفسي العصقول وبعض الأحيان النحيف
ننتظر ردودكم
للأمانة منقووووووووووووووووووووووول
البوابة 
موضوع: أدخل وشف الهوشة 
السبت أكتوبر 06, 2007 7:31 pm
![(][كلنا طفل يتّمنى أي شخص يحضنه][)](https://2img.net/h/www.q1z.net//folder1/q1z_zlLOZlnI6K.gif "(][كلنا طفل يتّمنى أي شخص يحضنه][)")
