عدد الرسائل : 81 العمر : 41 مكان الإقامة : السعوديه (( الخبر )) الوظيفه : شركه الاهتمام : حب التعارفم مع الاخرين رقم العضوية : 175 عدد النقاط : My SMS : تاريخ التسجيل : 19/02/2008
موضوع: قصيده محمد جارالله في الهلال الجمعة مارس 21, 2008 11:29 pm
<HR style="COLOR: #d1d1e1" SIZE=1>
السلام عليكم ورحمة الله وبركاته
كتب الشاعر المبدع
((محمد جارالله السهلي))
قصيده يوضح فيها هلاليته وقال انه متعصب
مهداه للأميـر :- راشد بن عبدالعزيز بن سعود
(( حفظه الله ورعاه))
اتـرككم مع ابداع السهلي
، ، ،
البارحه مـن حزنهـا ضاقـت جماهيـر الهـلال وانا على شان الهلال اشعر من البـارح بضيـق شاعر ولا ادري ليه ماجاله على شعـري مجـال وانا اعشقه عشق الملوك لخدمة البيـت العتيـق اشجعـه مـن قبـل لبسـي للعمامـه والعقـال ويصير شعري عقد من لولـو وياقـوت وعقيـق بـدت علاقتنـا مـن ايـام الغـزو والاحـتـلال يعني هو : أول حـب واول تجربـة واول رفيـق اجامـل احيانـاْ لكـن اليـا اشغلونـي بالجـدال ابـلا تـردد اتمـادى عشـق واولـع حـريـق اعلن (( هلاليتي )) واماريبه على روس الطـوال من قمة الضلع المويق لقمـة الضلـع المويـق مع احترامي للجميع من الجنـوب إلـى الشمـال يبقى زعيم الأنديـه والمجـد والصيـت العريـق ماكنه الا ابداعي بقصيدتـي (( أصعـب سـؤال )) من بحرها لأفكارها لإحساسهـا العـذب الرقيـق سـؤال لايمكـن يحلونـه ولـو طـال المطـال لـو يحذفـون اجابتيـن ويستعينـون بصـديـق كن المحال يمـر موسـم فيـه ماحقـق محـال وهذا هو اللي صعـب نرضابـه وفينـا مايليـق ياليلـه الجمعـه تغيرتـي عـن كــل اللـيـال فيك السعـاده مـرت وتاهـت وظـل بهالطريـق بين الضياع وصدمه الموقـف وحسـرة وانفعـال وصدر يضيق بـه الزفيـر اليـا تقفـاه الشهيـق اغتيلـت الفرحـة عبـث باللخبطـة والاختـلال كنها المحيط اليا انتحر موجه على جال المضيـق ومن قال لي وشلون والآ كيف صـار الاغتيـال ؟ اقوله وانا ابتسم مـن شـدة الحـزن العميـق : جانا (( بكيتا )) من فشـل أبوظبـي والمونديـال واللي محطم منتخب سهلـة يحطـم لـه فريـق وانا اقسـم بالله مافينـي علـى الصبـر احتمـال بارد على عـد الأمانـي وارتـوي وابـل ريـق يـادوي اتجـرد مـن الواقـع واسافـر للخيـال ويادوي اغفى (( خمسة وعشرين عام )) وثم افيق ويصير ذاك اليـوم لامـن فقـت رئيـس الهـلال (( راشد بن عبدالعزيز )) المجد والفعـل الطليـق وانا اشهد ان لامن ترأس مجلسه نسـل الرجـال صار الهلال بوقتهـا فريـق عـن ميـه فريـق
وسلامتكم
أمير بضحكتي وهل يخفى القمر
عدد الرسائل : 1640 العمر : 34 مكان الإقامة : مع الخيل ياشقرا الوظيفه : ادرس (الله يعنن) ادعولي الاهتمام : الهجوله رقم العضوية : 19 عدد النقاط : دعـــاء : My SMS : تاريخ التسجيل : 06/10/2007
موضوع: رد: قصيده محمد جارالله في الهلال الإثنين مارس 24, 2008 4:32 pm
شعر رائع مشكوووووووووور اخوي ولاعدناك
ودعت جرحك ‘‘ تِنْحطعَ الـ ج ـرحْ يِبْرَى‘‘
عدد الرسائل : 4805 العمر : 34 مكان الإقامة : السعــــKSAـــــودية الوظيفه : ادرس الاهتمام : الـنــت رقم العضوية : 5 عدد النقاط : My SMS : الأوسمة : تاريخ التسجيل : 24/09/2007
موضوع: رد: قصيده محمد جارالله في الهلال الخميس مارس 27, 2008 11:47 am