|{لا تترك الظـن يلعـب باحتمالاتـي ||الكلمه اللي تحزّ بخاطـرك .. قلهـا}

سلام عليكم..

قصيده تكتب بمـاء الذهـب..

ابيات في قمـة الروعـه..

ونترككم معا القصيده..

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي ,,
وش عاد لجلك حروفي لـو أذللها ’’

عذبني الشوق واسرفـت بخيالاتـي ,,
نفسٍٍ تحبك دخيلك ليش .. تهملها ’’

ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,
والهم خيّم على حالـي .. وطولهـا ’’

اغديت دربي وتاهت فيـك خطواتـي ,,
كل المواعيد مدري ليـش تأجلها ’’

سنين احاول وضاعت كـل حيلاتـي ,,
ماتدري اني ( حيـاة الـذّل ) مقبلهـا ’’

لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي ,,
كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي ,,
فرحة زماني بشوفـك مـا تخيلهـا ’’

خلاص صبري تعـدى كـل هقواتـي ,,
اتعبت روحي اعزيهـا .. وعذلها ’’

ابيك تنسى وتدمـح كـل زلاتـي ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا ’’
~~|{لا تترك الظـن يلعـب باحتمالاتـي ||الكلمه اللي تحزّ بخاطـرك .. قلهـا}~~ Smile

~~|{لا تترك الظـن يلعـب باحتمالاتـي ||الكلمه اللي تحزّ بخاطـرك .. قلهـا}~~ Smile

ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’

بماء الذهب صدقت
مشكووور اخوي ماقصرت
كفيت ووفيت
واااصل لاعدمناك...

» هذا هو اللي تبيه ..!!
» عبر عن اللي بداخلك بكلمة (ليت)
» اللي بحب ساسكي يتفضل
» (( اللي يفقد عضو يسأل عنه هنا ))
» ايش تهدي اللي بعدك !!!