قَبًلِ اِنَتفاهًم ابَي منَكِ تًرمٍيً عِقَأأألَّكَِّ .....

السلام عليكم ورحمة الله

صباااح / مساااء
الخـزاااامى

اعجبتني هـ القصيدة وحبيت انقلها لكم ,,
.....

قبل انتفاهم أبـي منك ترمي عقالك
ترى لا أنت وجه للرجولة ولا أنت قـدها

وعينك هذي تنزلها لا وقفت (أنا) قبالك
ولا تقاطع في كلامي والزم ألفاظك حدها

لا تساهل في كلامي واحفظه وخله في بالك
أنا بنت ورثت العزة من أبوها لـ جدها

ما يهزها مجرد وجودك كبرياها ما يكسره أمثالك
والكرامة قبل تعرفك راضعته بمهدها

غلطان إن كنت تحسبني شيء تبعك ومن حلالك
أنا أكبر من طموحك وشف يدك لا بغيت تمدها

اللي مثلك شخص خاين يستحي منك ظلالك
اللي مثلك ما مشى درب الرجولة وما وصل لمجدها

كيف قلبك طاوعك ترخي لجل بنت حبالك؟!!
وترمي عقالك لجلها ولجل تكـسب ودها!!

عزتي عيت تنازل لجل أعاتبك على فعالك
خلنا من "قصة خيانة" وقلي كرامتك وش عندها؟

وين الرجولة اللي تقول؟!كيف ترضى يكون حالك؟
وين عقلك طار له؟ يوم تلحق مـرها وشـهدها

لو سِألت عن المهانة قلت:تجسد من خلالك
يوم ترمي بالرجولة وتركـض وتمسك يدها

إن كنت تسأل عن شعوري أبشر بجاوب عن سؤالك
تدري! فرحت! لأني عرفت محبتك قبل يطول بعدها

أدري إني في يومٍ قلت:أني عشقت حتى خيالك
وأنك قد كنت بحياتي شمسها"وظلها"وشوكها"ووردها

لكن ادموعي أنا على كل لحظاتي بوصـالك
يوم تخدعني بحبك وتنقل كلامك اللي تقوله عندها

لكن مضى كل هالزمن وماني فيه أصغر عيالك
أنا أداعب هالنجوم واسأل الشمس عني يا ما لثمت بخدها

والحين بشوفك وأنت تقفي ساحب عز متهالك
ولم أعذارك معك يشرفني إني بكل بساطه أصدها

مستحيل أقبل عذر أنا أعلنت عن حياتي اعتزالك
والهدايـا اللي وصلتني عفواً .. (أنا) بردها

لحظة .... قبل تقفي .... لا تنسى تنحني وتأخذ عقالك
واحترف طقوس المذلة..اركض .. ألحقها .. شفها تمشي لوحدها !!

احتـرااامي للجميع

.
.