لاتحسبين العرس توفي وكت كات....!!

لاتحسبين العرس توفـي وكِتكـات .... ولا تحسبينـه تِوكـس ولا بونتـي

ولا تحسبين العرس كيكه وطرطات .... وصله قطعتيهـا ووصلـه بلعتـي

ولاتحسبين العرس تصفيق واصوات .... وانت على صوت الغطاريف همتي

ولاتحسبين العرس كوشه ولمبـات.... وانت كما الطاووس فيهـا جلستـي

ولاتحسبين العرس احلام في الشات .... يامـا بنيتيـهـا ويـامـا هدمـتـي

ولا تحسبين العرس روحة وجيـات .... هيا اقضبي بيتك عسـى مانهبلتـي

ليله سعيدة وانت احلـى الجميـلات .... تشخص عيون الناس اذا حضرتـي

(والالينر)حطيـه بـلا زيــادات .... لا يخـرب المكيـاج اذا دمعـتـي

(والمسكره)تحتاج لطف ومـدارات .... حتـى يبـان الزيـن اذا رمشتـي

(والسبريه)رشيه حتى البُصيـلات .... يمسك شعرك زين لو كـان زدتـي

وترى(المحدد)فن يحتـاج رسمـات .... يبـان رسمـه زيـن اذا ابتسمتـي

العـرس يابنيـه ماهـو شعـارات .... تفنـى مراسيمـه وتبقيـن انـتـي

ويبقى شريك العمر راعي الطويلات .... هذا هو العـرس حقيقـه عرفتـي؟

اول نصيحة لك حفـظ الصلـوات .... صلي العِشا والفجر في كل وقـتِ

وفي ليلة العرس الموفـق بالـذات .... ادعــي الكـريـم إذا سجـدتـي

والتعري لاترضين عند الكوفيـرات .... ولبسـك يملـى العيـن اذا لبستـي

واللي على زوجك تحرضك مرات .... ارجـوك شوتيهـا شوتـت بلنتـي

والصبر في العشره حتى على فتات .... ياماحـلا فعلتـك يومـك صبرتـي

واذا حفظت السر مـع المـدارات .... زوجك ترى في عيونه كبرتـي

والسوق يعني هاه وقت الضرورات .... ولا تـرى زوجـك يـدور لمُفتـي

زيدي الغطايه وكثري في العبايـات .... والله يرضـى عنـك اذا ستـرتـي

اوصيك بالكبسـة وكثـر الايدامـات .... حتى لو إنـك مـن سببهـا متنتـي

وخلي الرجيم اللي فشلتي فيه مرات .... سويـه مـرة واحـدة لا ولـدتـي

************************************************** **

واللي على زوجك تحرضك مرات .... ارجـوك شوتيهـا شوتـت بلنتـي

هذي لحالها
مشكووره بنوته
وااصلي...

نورتي اختي ع المرور

ولاتحسبين العرس كوشه ولمبـات.... وانت كما الطاووس فيهـا جلستـي

خخخخخخخخخخخ فن

بس ماعرفنا له هالشاعر، منظم حفلات ولا لعيب كوره أو داعيه نرجوا التوضيح للفائده خخخخخخخخخ

بنوته شكرااا

الشاااعر هااذا كوكتيل عااادي عنده كل شي
بس الف شكر ع المرور

روووعه يا بنووته
بس تراه قديــــــم

يسلمووووو