قصيدة الأم

هذه القصيدة كتبتها امرأة طاعنه في السن بعد ما أودعها ابنها
وللأسف في دار المسنين ...!!!!

يا مسندي قلبي على الدوم يطريك
ماغبت عن عيني وطيفك سما يا

هذي ثلاث سنين والعين تبكيك
ماشفت زولك زايرن ياظنا يا

تذكر حياتي يوم أشيلك وأداريك
وألاعبك ودايم وتمشي ورا يا

ترقد بصوتي وحضني يدفيك
ماغيرك احد ساكنن في حشا يا

وإذا مرضت أسهر بقربك واداريك
ماذوق طعم النوم صبح ومسا يا

يا ما عطيتك من حناني وابي أعطيك
تكبر وتكبر بالأمل يامنا يا

لكن خساره بعتني وش فيك
وأخلصت للزوجه وأنا لي شقا يا

وأنا ادري انها قاسيه ماتخليك
قالت عجوزك ما أبيها معا يا

وخليتني وسط المصحة وأنا ارجيك
هذا جزا المعروف وهذا جزا يا

ياليتني خدامة بين أياديك
من شان أشوفك كل يوم برضا يا

مشكور ياوليدي وتشكر مساعيك
وادعيلك الله دايم بالهدا يا

أوصيت دكتور المصحه بيعطيك
رسالتي وحروفها من بكا يا

وإن مت لاتبخل عليه بدعاويك
أطلب لي الغفران وهذا رجا يا

وامطر تراب القبر بدموع عينيك
ما عاد ينفعك الندم والنعا يا ,,,

مشكووووووووور امبراطور .. على النقل الرائع

قصيده معبره ومحزنه.... أشكرك ايها الراااااااااائع