..ماودي الناس تدري وش يبكيني..

أحبّـك ماهـي بَـسْ كَلْمَـهْ أنـا دايــمْ أرَدْدْهــا
أحـبّــك كـلـمـةٍ لاقِلْـتَـهـا أقــصِــدْ مَعـانـيـهـا

صَحيـحْ إنْ الحُـروفْ شْــوَيْ إذا وِدّك تِعـدْدْهـا
ولـكـنّ المَعَـانـي مَاهَقِـيـتْ إنّـــك بْتحْصـيـهـا

وُفَـا و اِخْـلاصْ وظْـروفٍ تِعَانِدْنـي وأعانـدْهـا
مشاعِـرْ صادِقَـهْ والـوِدْ ساكِـنْ فـي مَحانيهـا

غَــرامْ وشــوقْ والـغِـيـرَهْ تِـبَـدْدْنـي وابـدْدْهــا
هِيـامْ وعِشـقْ و لْحـونْ الـغَـلا للْـوَصْـلْ أغَنّيـهـا

حَنانْ يِشَتِتْ ألأوْهَـامْ عَـنَ السّرْجُـوفْ يِبْعِدْهـا
وِدَادْ وزوْبَعَـةْ هَاجِـسْ عَلَـى ذِكْـرَاكْْ طَارِيـهـا

وِئَــامْ ونِـيّـةٍ بيْـضـا عَـــنَ الـهَـفْـوّات مِبْـعِـدْهـا
وصَراحَـهْ مِـنْ جَرَائَتْهـا بِدَىالتجْريـحْ يَطْويـهـا

ولَــهْ مَجْـنـونْ لِعْيـونـكْ حَـتّـى لَــوْ أشَاهِـدْهـا
وخَيـالٍ يَسْكِنِـهْ طيفِـكْ وحِـلْـمٍ صـورِتِـكْ فيـهـا

وَلَـعْ يِجْتَاحْنِـي وهْمُـومْ فِينـي مَـاتْ قَايِـدْهـا
وِنَــزْوَهْ مِــنْ عَـتَــبْ لَـيّــنْ طَـراوَتْـهـا تِحَلّـيـهـا

شِجونْ وتَضْحِيَةْ عُظْمَى وسوالِفْ ليلْ جَاحِدْهـا
واحَاسِيـسٍ مِثِـلْ وَبْـلْ المطَـرْ لـلْـروحْ تِحْييـهـا

ولَهْفَـةْ عاشِـقٍ لَجْـلِـكْ عِــدودْ الـمـوتْ يـارَدْهـا
وأمَلْ لَجْلِهْ قِصَرْتْ دروبْ قِـدْ طالـتْ خَطاويهـا

حَنيـنْ وكِبْريـاءْ وغَطْرَسْـتْ عِــذّالْ أجَاهِـدْهـا
وأمـانـي تَكْـسِـرْ الهـامَـهْ ولـكِـنْ ماتِوَطّـيـهـا

عَوَاطفْ عِطْرَها عَـمْ الحَشـا والشّـوق سايِدْهـا
وعَبْـرَهْ وَسّمَـتْ خّدّيـنْ وصَـارَتْ مِـنْ مُوَاريـهـا

وَرَغْبَـهْ يِغْتصبْـهـا الـوَقْـتْ يَهْدمْـهـا واشَيّـدْهـا
وهيبَـهْ مِصطِنِعْهـا لِـكْ ولاادْري كَيـفْ أبّنْهيهـا

طَلاسِمْ مِنْ شُكوكْ وظَنْ ونَشْوَةْ خُـوفْ أقَيّدْهـا
وثِـقَـهْ عَمْـيـا يِكَحْلـهـا الـعَـفـافْ ولا يَبَكْـيـهـا

قِضَت كِلْ الحُروف بْشَرْحْ أحبّك قُومْ واجْرِدْها
وَانَـا كَلمَـةْ أحبّـك مـا بَعَـدْ وَضّـحْـتْ خَافيـهـا

عَرَفْتْ الْحينْ وِشْ مَعْنَـى أحبّـك يـومْ أرَدْدْهـا
عَرَفْـتْ إنّـي أرَدْدْهـا وَانَـا قَـصْـدِي مَعانيـهـا

محبكم
..لهيب الثلج..

الله الله الله الله مبدع والله يا لهيب الثلج
تقبل مرووري

يسلمووووو
روووعه
واااصل...

يا سلام عليك

من جد أبيات في قمة الروووعه

عوااافي ,,,,

( الزعيم ، القلب الحنووون ، أحبك بس أفهمني ) الله لايحرمنا منكم

مشكور أخوي لهيب على الكلمات الروعه

تقبل مروري

عسااااااااك على القوة لهيب

ابداع رائع
دمت لنا بود

[/center]

يعطيك العافية على مرورك

عوافي،،

والله ابيات في قمة الجمال

شِجونْ وتَضْحِيَةْ عُظْمَى وسوالِفْ ليلْ جَاحِدْهـا
واحَاسِيـسٍ مِثِـلْ وَبْـلْ المطَـرْ لـلْـروحْ تِحْييـهـا

ابداع متجدد

مشكور على مرورك

وااااااااااااااااااااااااو من جد ابدااااااااع
اهنيك بصراحه على الذووووق يالغلا

تقبل مروري
تعب قلبي...

شاكر لك ذوقك الرفيع

تمنياتي بلاحدود..

» تدري وش الي يـــجـرحك,,,
» ألحين تدري اني ( أحبك ) .......
» تدري وش يذبح القلب
» .×. [أنا من وين ما أطالع , أشوفك إنت كل الناس] .×.
» تدري وش يجرح القلب جرحين!!